Жемқорлықпен жұмыла күресейік!
« НазадЖемқорлыққа қарсы әрекет Қазақстанның даму стратегиясының негізгі тетігіне айналды. Себебі, ел Президентінің өзі бірнеше жыл бұрын жемқорлыққа қарсы ымырасыз күрес жариялады. Сондықтан заң, құқық қорғау органдары, қоғамдық ұйымдар осы бағытта жұмыс жасап келсе, Қазалы ауданы бойынша Мемлекеттік кірістер басқармасы да онымен күресте пәрменді шаралар атқаруда. Басқарма қызметкерлері бұқаралық ақпарат құралдарына мақала жариялай отырып, салық төлеушілерге әрдайым семинар-кеңестер өткізуде.
Шынын айту керек, басқа елдердегідей сияқты Қазақстанда да жемқорлық ең негізгі проблемалардың бірі болып отыр. Бұл әлеуметтік індет шетелдік инвесторлар алдында мемлекеттің беделін төмендетіп, онсыз да қазіргі әлемдегі қалыптасқан күйзелісті жағдай сауда экономикалық байланыстардың дамуын баяулатып, тікелей және жанама түрде экономикалық шығындарға алып келеді.
Көптеген зерттеулердің нәтижесі мемлекеттік басқару неғұрлым ашық болса, жемқорлық деңгейінің де төмендейтінін көрсетіп беруде. Сондықтан бұл әрекетке қоғамның, тіпті әрбір адамның төзімсіздік көзқарасы керек деп санаймыз. Бұл-бүкіл әлемді жайлаған дерт. Сондықтан онымен күрес бір ғана адамның, болмаса тек қана мемлекеттің жұмысы емес, онымен барша халық болып күресуіміз керек. Және ол бір күннің шаруасы емес. Сондықтан осы өте үлкен, ауқымды шаруаны бірлесіп көтерейік, еліміздің одан әрі дамуына бірлесіп атсалысайық.
Н.Ержанов,
Қазалы ауданы бойынша Мемлекеттік
кірістер Басқармасының бас маманы.