Заңнама талаптарын сақтамағаны үшін әкімшілік жазалау

Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаментімен 2021 жылғы тарифтік сметалардың орындалуы туралы есепке талдау жүргізді.

«Табиғи монополиялар туралы» Қазақстан Республикасы Заңының (бұдан әрі - Заң) 26-бабы 2-тармағының 17) тармақшасына сәйкес, табиғи монополия субъекстісі жыл сайын, есепті кезеңнен кейінгі жылдың 1 мамырынан кешіктірмей уәкілетті органға бекітілген тарифтік сметаның орындалуы туралы, бекітілген инвестициялық бағдарламаның орындалуы туралы есептерді, өзге мемлекеттік органға не жергілікті атқарушы органға бекітілген инвестициялық бағдарламаның орындалуы туралы есепті ұсынуға міндетті.

 Заңның 26-бабы 2-тармағының 15) тармақшасына сәйкес, табиғи монополия субъектісі бекітілген тарифтік сметаны орындауға міндетті.

Талдау барысында, субъектілердің  «Асфальтобетон» ЖШС-гі, «Құрылыс» АҚ-ы, «Пикет ЛТД» ЖШС-гі, «МЧ» ЖШС-гі, «Қазалы Теміржол-Жылу» филиалы, «Аралтұз» АҚ, «Қорқыт Ата» Әуежайы» АҚ-ы, «Шалқия Цинк ЛТД» АҚ-ы «Табиғи монополиялар туралы» Қазақстан Республикасы Заңының 26-бабы 2-тармағы 15) тармақшасының талаптарын сақтамағаны және белгіленген нысандардағы есепті бермеуі анықталды.

Нәтижесінде Департамент Қазақстан Республикасының әкімшілік құқық бұзушылық туралы Кодексінің 164-бабының 1,4-бөлігі бойынша  әкімшілік өндірістерін қозғады және субъектілер Кодекстің 810-бабына сәйкес қысқартылған тәртіпте айыппұл төлеу құқығын пайдаланып, елу пайыз мөлшерінде 8 760 180 теңге айыппұлды төледі.

Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша Департаменті.