Коммуналдық және энергетикалық саладағы жаңа бастамалар
« НазадАғымдағы жылы, тарифтік саястатта өзгерістер орын алды, атап айтқанда, 2025-2029 жылдарға арналған «Энергетикалық және коммуналдық секторларды жаңғырту» ұлттық жобасы (бұдан әрі – Ұлттық жоба) қабылданып, аталған жобаны өңірде іске асыруға «ҚЭТТК» АҚ мен «ҚСЖ» МКК кірісетін болады.
Ұлттық жобаның мақсаты халыққа коммуналдық қызметтерді сенімді әрі сапалы көрсетуді және ел экономикасының орнықты дамуын қамтамасыз ету үшін Қазақстан Республикасында энергетикалық және коммуналдық инфрақұрылымды (желілер мен объектілерді) жаңғырту болып табылады.
Күтілетін экономикалық және әлеуметтік әсер ол энергетикалық және коммуналдық секторлардың қолданыстағы активтерін жаңғырту және жаңарту, авариялар деңгейін 20%-ға төмендету, энергетикалық және коммуналдық активтердің тозу деңгейін ел бойынша орта есеппен 40%-ға дейін төмендету.
Бұдан бөлек, ағымдағы жылы «көп тұтынасың – көп төлейсің» қағидаты бойынша тұтынушыларды су мен жылу үнемдеуге ынталандыру үшін табиғи монополиялар туралы заңнамаға «тұтынудың әлеуметтік нормалары» ұғымы енгізіліп, тұтыну көлеміне байланысты жоғары тарифтерді белгілеуге бағытталған.
Бүгінгі таңда, ағымдағы жыл басынан аталған қағидат бойынша «Теміржолсу-Қзыл-Орда» ЖШС-ы жылумен жабдықтау қызметтеріне төмендегідей
- жылытылатын аудан 100 м2 -ге дейін халық санатына жататын жеке тұлғалар үшін тариф – 1989,59 теңге (қолданыстағы тариф),
- жылытылатын аудан 100-ден астам және 200 м2-ге дейін халық санатына жататын жеке тұлғалар үшін – 2188,55 теңге (қолданыстағы тарифтен 10% жоғары),
- жылытылатын аудан 200 м2 -ден астам халық санатына жататын жеке тұлғалар үшін – 10869,33 теңге (орташа босату тарифімен теңестірілген бекітілген тарифтер жұмыс жасауда.
Қолданыстағы заңнамаларға сәйкес, сумен жабдықтау саласындағы тұтынудың әлеуметтік нормалары төмендегідей:
1 адамға шаққанда айына 3 м3-ге дейін – қолданыстағы халық үшін тарифі
1 адамға шаққанда айына 3 м3-дейін 5 м3-ге дейін – қолданыстағы халық үшін тарифінен 20% жоғары
1 адамға шаққанда айына 5 м3-дейін 10 м3-ге дейін – қолданыстағы халық үшін тарифінен 50% жоғары
1 адамға шаққанда айына 10 м3 жоғары – қолданыстағы халық үшін тарифінен 2 есе жоғары.
«Қызылорда су жүйесі» МКК-ны сумен жабдықтау қызметіне тарифтері 2020 жылы бекітілген ұзақ мерзімді тарифі 2024 жылы мерзімі аяқталуына байланысты, Департаментпен аталған мекемеге 2025-2031 жылдарға ұзақ мерзімді тарифтер әлеуметтік тұтыну нормаларына сәйкес бекітілді және ол тарифтер ағымдағы жылғы 1 мамырдан бастап қолданысқа енеді.
Қазақстан Республикасы Ұлттық экономика министрлігі
Табиғи монополияларды реттеу комитетінің
Қызылорда облысы бойынша департаменті.