Берешекті қайта құрылымдау рәсімі
« Назад«Оңалту және банкроттық туралы» Қазақстан Республикасы Заңының 2-1 тарауында берешекті қайта құрылымдау рәсімінің тәртібі мен шарттары көзделген.
Егер осы бапта өзгеше белгіленбесе, борышкер оңалту немесе банкроттық туралы сот қозғаған істер болмаған жағдайда, осы Заңның 5-1-бабының 1-тармағына сәйкес айқындалатын уақытша төлем қабілетсіздігі туындаған кезде өз берешегін қайта құрылымдау туралы шешім қабылдауға құқылы.
Борышкер уақытша төлем қабілетсіздігін куәландыратын құжаттарды қоса бере отырып, берешекті қайта құрылымдау туралы өтінішпен сотқа жүгінеді.Борышкер сотқа өтініш берген кезде бір мезгілде кредиторларды хабардар етеді.
Бұл ретте егер:
берешекті қайта құрылымдау туралы келісімді бекітуден бас тарту туралы сот ұйғарымы заңды күшіне енген;
берешекті қайта құрылымдау туралы келісім жасаспаған жағдайда осы Заңның 28-3-бабының 1-тармағында белгіленген мерзім аяқталған күннен бастап бір жыл өтпесе, борышкердің сотқа осындай өтінішпен жүгінуге құқығы жоқ.
Борышкердің уақытша төлем қабілетсіздігін куәландыратын құжаттарды ұсынбауы не оңалту немесе банкроттық туралы сот қозғаған істердің болуы борышкердің берешегін қайта құрылымдау рәсімін қолданудан соттың бас тартуына негіз болып табылады.
Берешекті қайта құрылымдау рәсімін қолдану туралы сот шешімі дереу орындауға жатады.
Нәтижесінде, борышкер берешекті қайта құрылымдау рәсімін қолдану арқылы өзінің төлем қабілеттілігін қалпына келтіру мүмкіндігін ала алады.
А.Кайрбаев,
Қазалы ауданы бойынша Мемлекеттік
кірістер Басқармасының бөлім басшысы.