Обратная связь
Ваше имя или название организации: *
Ваш E-mail или телефон: *
Текст: *

БЖЗҚ салымшыларының таза инвестициялық табысы 1,3 триллион теңгеден асты

« Назад

БЖЗҚ салымшыларының таза инвестициялық табысы 1,3 триллион теңгеден асты 11.01.2022 15:34

Бірыңғай жинақтаушы зейнетақы қоры салымшыларының зейнетақы жинақтары 2021 жылдың 1 желтоқсанындағы жағдай бойынша 13,4 триллион теңгеге жетті. Бұл сома зейнетақы жарналары мен инвестициялық табысты қамтиды.

Зейнетақы жинақтарының едәуір өсуі 2021 жылдың 1 қаңтары мен 1 желтоқсаны аралығында 1,3 трлн теңгеден асқан таза инвестициялық табыстың арқасында қамтамасыз етілді, бұл өткен жылдың көрсеткіштерінен 210 млрд теңгеге немесе 19% - ға артық. Қазақстан Ұлттық Банкінің басқаруымен БЖЗҚ зейнетақы активтері бойынша кірістілік жыл басынан бері 11,0%, инфляция 7,8% құрады. Бұл ретте соңғы 12 айда кірістілік 11,77%, осы кезеңдегі инфляция  8,7% жетті.

Естеріңізге сала кетейік, инвестициялық табыстың құрамына бағалы қағаздар (салымдар және басқа операциялар) бойынша сыйақы түріндегі кірістер, қаржы құралдарын нарықтық қайта бағалау түріндегі кірістер, валюталық қайта бағалау түріндегі кірістер, сыртқы басқарудағы активтер бойынша кірістер және т. б. кіреді.

Жалпы, барлық зейнетақы активтері БЖЗҚ-ға біріктірілген сәттен бастап Ұлттық банк қамтамасыз еткен инвестициялық табыс 6,0 трлн теңгені құрады. Бұл ретте 2021 жылдың 1 желтоқсанындағы жағдай бойынша Жинақтаушы зейнетақы жүйесінің құрылған күнінен бастап (1998 жыл) инвестициялық кірістілігі өсу қорытындысымен 680,21%, инфляция 543,19% жеткен. Осылайша, Жинақтаушы зейнетақы жүйесі қолданыла бастаған кезден бастап 2021 жылғы 1 желтоқсанға дейінгі кезеңде зейнетақы активтерінің нақты кірістілігі 137,03% құрады.

Айта кету керек, зейнетақы жинақтары – бұл ұзақ мерзімді инвестициялар және инвестициялық табыстың мөлшерін кемінде 1 (бір) жыл кезеңінде талдау орынды. Қысқа мерзімді деректер (апта сайынғы, ай сайынғы және т.б.) – айқын нәтиже көрсетпейді, өйткені нарық үнемі өзгеру үстінде.

Инвестициялық басқарудың және зейнетақы активтерін есепке алудың барлық жүйесі ашық болып табылады: әрбір салымшының өз инвестициялық табысын enpf.kz сайтындағы немесе мобильді қосымшадағы жеке кабинеттен көруге мүмкіндігі бар. Айта кетейік, зейнетақы активтерін қайта бағалау апта сайын және айдың соңғы күні жүргізіледі.

БЖЗҚ зейнетақы активтерін инвестициялық басқару жөніндегі және БЖЗҚ зейнетақы активтері орналастырылған қаржы құралдары туралы ақпарат БЖЗҚ ресми сайтында (www.enpf.kz)  «Көрсеткіштер»/«Инвестициялық қызмет» бөлімінде жарияланады.

«БЖЗҚ» АҚ баспасөз орталығы.